من ام بلال

كيكه تركيه

كيكة الحليب

كيكة الكراميل

نعمل اول شي الكيكه ....

حجم الكوب 250 مل....

5بيض

نصف الكوب سكر

كوب ونصف طحين

ربع الكوب زيت

ملعقة صغيره فانيلا

ملعقة صغيره بيكنغ باودر

نخفق البيض والفانيلا 10دقايق وبنضيف السكر والزيت وبنوقف الخلاط وبنضيف الطحين المنخول مع البيكنغ باودر وبنحرك بملعقة سباتولا من فوق لتحت وبس يختفي الطحين بنسكب العجينه بصحن بايرص كبير مدهون سمنه كويس وبنخبزها بحراره 170 لمدة نصف ساعه او لحتى تشقر.

بنفس الوقت بكون سخنت حليب سائل كوبين مع ملعقتين سكر وقليل من قشطه او كريمه سائل او حليب مبخر ولما يسخن بنسقي الكيكه بعد ان نخزقها بالشوكه وممكن فقط حليب وممكن نسقيها ب 3 اكوب حسب الرغبه....

الطبقه التانيه....

نصف كوب سكر وملعقة زيت بنوضعهم

بطنجره علي حراره وسط لحتي يبدأ السكر يدوب ويحمر بنحرك لحتي السكر يدوب بنضيف علي مهل كوب ماء ويجب الانتباه لان السكر ممكن يطرطش وبكون مذوبه 3 ملاعق نشاء بكوب ماء بضيفهم للكراميل وبحرك بسرعه ولما يتماسك ويصبح متل المهلبيه بسكبها فوق الكيكه وفورا بعمل خطوط بالقشطه والكراميل ساخن وبنكاشة الاسنان بعمل خطوط وممكن بدون قشطه وتزين بفستق حلبي