من جيهان

اسفة كنت مشغولة...اتفضلو الطريقة و ان شاء الله تجربوها

المكونات

2كوبين و ربع طحين دقيق

1كوب زبدة

3/4ثلاثة أرباع كوب سكر أبيض

3/4 ثلاثة أرباع كوب سكر أسمر

2بيضتان

2كوبين قطع الشوكولاته

1م ص بيكربونات الصوديوم

1 م ص ملح

1م ص فانيليا سائلة

الطريقه :

بنسخن الفرن على درجة حرارة 180ْ س

بنخلطي الطحين و بيكربونات الصوديوم و الملح في صحن

في صحن تاني بنخفق الزبدة و السكر الأبيض و الأسمر و الفانيليا لغاية ما الخليط يصير أبيض بعدين بنضيف البيض و نخلط منيح و بنضيف خليط الطحين إلى خليط البيض و السكر و بنخلط منيح .

بنضيف قطع الشوكولاته و بنخلط مرة تانية

بناخذ مقدار ملعقة من الخليط و بنزلها على صينية فرن مدهونه او على ورق مشمع ما تضغطو عليها من فوق لانها بتنزل لحالها و اتركو مسافة بين قطعة و قطعة

هﻷ مدة الخبز بتعتمد على ذوقكم الشخصي ..

إذا كنتو بتفضلو الكوكيز طري شوي اخبزوه لمدة 11-12د...أما إذا كنتو بتفضلوه مقرمش يمكن زيادة المدة شوي لمدة 15-16د و صحتييييييين