كوبين طحين
نص كوب سميد ناعم
معلقتين صغار باكنج باودر
ملعقه كبيره نشا
معلقتين حليب بودره كبار معلقتين كبار سكر
و٣ اكواب مي وبالخلاط خلط كويس ومنصبهم بمقلاة غير لاصقة تكون سخنة وعلى نار هادي وغطيهم بقطعه قماش بعد ما ترفعيهم عن النار
بعدين منسكر نص كل حبة ومنحشيها قشطة المنزلية ومنزينها بالفستق الحلبي
طريقة تحضير القشطة :
طريقة عمل القشطة المنزلية : بطنجرة على النار منضيف 3 ليتر حليب سائل وازا حبيتو مجفف لكل 4 كوب ماء 250 غ حليب مجفف ومنضيف فوقهم نص كوب خل ابيض تقريبا وبس يفرط ويتفتت منصفيها ومنكب المي يللي طلعت منها ومنخليهم بالبرد . بطنجرة تاني على النار منضيف ليتر حليب كامل الدسم وعليه كوب من النشا ومع تحريك المستمر حتى يتكاثف منحط شوي من ماء الزهر ومنجيب القريشة يللي عملناها مسبقا ومنضيفها فوق الحليب والنشا ومنحرك على نار هادي حتى يختلطوا بعدين منطفي النار وبخلاط يدوي خلطيهم كويس وخليهم بالبراد ليبردوا تماما
القطر:
٣ كاسات سكر كبيره وكاستين ماء كبيره وملعقه عصير ليمون لما يغلوا ويخفض النار لمدة قصيرة دقائق ولما نطفى النار.
