من نيفين خليل
الطريقة :باكيتين كريم كراميل دوبتهم بنص ليتر حليب تقريبا وضربتهم عالخلاط عشان يدوبو منيح ببعض وبعدين جبت قالب الكيك ودهنتو بالكراميل الي بيكون مع الباكيتات الجاهزة وبعدين صبيت الكريم كراميل فوقه بالقالب وتركتو عجنب بعدين عملت كيكة 3بيضات عليهم فانيلا وبشر ليمون وخفقتهم وحطيت عليهم كوب سكر وثلاث ارباع كوب زيت قلي و3كوب طحين عليهم معلقتين باكنج باودر ومعلقتين كاكاو وتقريبا كوب حليب وخلطتهم ببعض وصبيتهم عالقالب فوق الكريم كراميل (بتحسيهم خبصو ببعض بس ما تخافي لانو بس يستوو بيفصلو بقدرة قادر )بعدين بتجيبي صينية اكبر من حجم القالب وبتحطي فيها مية سخنة وحطي القالب فيها وحطيها بالفرن الحامي واتركيها لحد ما تستوي تقريبا بدها ساعة بعدين بتحطيها بالثلاجة لتبرد منيح عشان يجمد الكريم كراميل وبعدين اقلبيها وصحتين
