الطريقة سهلة جدا وكتير سريعة
الطريقة : ثلاث ارباع كوب مي فاترة مع معلقة اكل وسط خميرة ومعلقة سكر وحركيهن وتركيهن على جنب
بوعاء تاني حطي كوبين طحين ورشة ملح وربع كوب زيت وعمليهم بإيديكي وبعدين ضيفي المي طبعا على حسب نوع الطحين يمكن تاخدي ٣ ارباع مي او اقل شوي وفيكي تضاعفي الكمية انا عملت ٤ اضعاف هي تخميرها نص ساعة تتخمر وترتاح بس انا بصراحة اشتغلت فيها بعد ٥ دقائق والنتيجة روعة
بعدين سخني كويس مقلاة تيفال وافردي العجين وضيفي عالمقلاة حتى يتحمر وجه العجينة بتقلبيها لتاني جهة وما بتاخد وقت بالشوي حطي يللي بيطلعوا بقلب قطعة قماش وغطيهم فيها بعدين ادهني شي زيت وزعتر وشي دبس فليفلة ومع كاسة شاي اطيب فطور او عشا وصحة وهنا
