من
Bayan Araj
الفطير بالزعتر البلدي انا عملت 6 كوب طحين. ملعقه صغيره ملح. ملعقه صغيره بيكنج باودر. 3ملاعق كبار حليب. ونحتاج الي 3كوب ماء حسب طحينك. وملعقه زيت للملمه العجين. اعجنيهن كويس حتى تصبح عجينة طرية بتمط معك واتركيها ترتاح ساعه.ثم بعد الساعه قطعيها وريحيها علشان تفرد معك بكل سهوله وبدون عناء.
الحشوه: زعتر مفروم +بصله مفرومه ناعمه+ربع كوب زيت. شطه مجروشه اوفلفل أخضر حسب الذوق
وممكن تعملي الحشوه سبانخ. او جبنه او ممكن تكون فاضيه وناكلا مع عسل او دبس وكلو طيب
حشو الفطير بنفردا مدوره خفيفه تكون وبنمسحها بزيت وبطوي جهه اليمين بحط الحشوه وبطوي اليسار عليها وبدهن زيت وبطوي من الاعلي وبدهن زيت وبطوي الاسفل حتي نحصل على شكل مربع
وبتركها ترتاح وبعدا بفردها شوي وبخبزا عل الصاج او الفرن
وصحه وهنا
