المكونات : طبقة البسكوت : باكتين بسكوت دايجستف واصبع زبدة ومعلقة صغيرة قشطة
بنطحن البسكوت وبندوب زبدة وبنحرك الزبدة مع البسكوت والقشطة عشان تتماسك وبنعجنها وبنفردها بصينية التشيز كيك وبنخبزها بالفرن لمدة 10 دقايق بس وبس تبرد بنحطها بالتلاجة نص ساعة عشان تجمد ونحط عليها الطبقة التانية
الطبقة التانية: طبقة الكريمة
المكونات: مغلفين كريمة بودرة (دريم ويب) ، كاستين كريمة سائلة، كاسة سكر، كاسة حليب ناشف، علبة لبن زبادي، 4 حبات جبنة كيري، 3 معالق كبار جيلاتين من غير نكهة و نص كاسة مي سخنة
الطريقة: نضع الكريمة البودرة ثم السائلة ونخفق ثم نضيف الجبنة والسكر والزبادي والحليب البودرة ونستمر بالخفق ثم ع جنب ندوب 3 معالق كبار جيلاتين بنص كاسة مي سخنة وبنحركها عشان ما تكتل وبنصفيها قبل ما نضيفها ع خليط الكريمة عشان ما تكتل وبنضيفها وبنستمر بالخفق لمدة 10 دقايق ... نضع الطبقة التانية ع الطبقة الأولى ونضعها بالتلاجة عشان تتماسك ونتركها لمدة ساعتين او لحد ما تتماسك
الطبقة التالتة : 3 مغلفات جيلاتين بندوبهم ب 3 كاسات مي سخنة وبعدين بنضيفها ع طبقة الكريمة وبنحطها بالتلاجة لمدة 6 ساعات وصحتين وهنا
*ملاحظة لازم تكون طبقة الكريمة متماسكة قبل ما نضيف الطبقة التالتة عشان ما تكتل ... ولازم تكون الطبقة التالتة مو سخنة ومو متجمدة!
