الطريقة ...
كو حليب ساءل بنحطي عالنار لحتى يدفى مش يسخن كتير
وبنضيف عليه 100 غرام زبدة لينة وبنحركها لتدوب مع الحليب ..
بنحط الحليب والزبدة بجاط وبنضيفلهم معلقة كبيرة خميىرة
ورشة ملح
وكوب سكر
و3 صفار بيض
ومعلقة خل صغيرة ..
بنخفقهم بخلاط الكيك بعدين بس يتجانسو كويس بنضيف 3 كوب طحين تقريبا ممكن اكتر شوي او اقل شوي حسب حجم البيض ونوع الطحين وبنعجنها مزبوووووط بايدنا او بالعجانة وبتكون تلزق شوي مش ناشفة ...بنغطيها وبنتركها تتخمر وتتضاعف حجمها وبدها وقت حسب الحرارة انا بشغل الفرن 10 دقايق يدفى وبطفيه وبحطها فيه ساعة ...
وبعدين بناخدها وبنقطعها وبنشكلها حسب الرغبة وبندهنها صفار بيضة مع شوية نسكافيه دايبة ورشة سمسم وبنتركها بمكان دافي تختمر كمان مرة ويتضاعف حجمها بعدين بنشغل الفرن على حرارة متوسطة وبنتركها لحتى تتحمر من تحت ومن فوق ..
ممكن نرشها سكر بودرة وممكن بدون وومكن تنحشى زبيب او مكسرات ازا بدكم
بثينة
