٢ ملعقة كبيرة سكر ، كب حليب ، كب طحين أبيض ، ملعقة صغيره باكنغ باودر ، ملعقة كبيرة زيت مازولا ، بيضة ، رشة ملح ، رشة ڤانيلا
طريقة عملها ؛؛؛
نخفق البيضة و الملح والڤانيلا والسكر بشوكة بعدين بنضيف الحليب ونخفق منيح
ننخل الطحين والباكنغ باودر مع بعض وبنضيفهم للخليط وبنقلب منيح وبنضيف معلقة زيت مازولا وبنخلطو منييييح بالمضرب اليدوي أو بالشوكة
في مقلاة تيڤال نمسحها بالفرشاية بشوية زيت وبس تحمى بنصب من الخليط فيها مقدار فنجان قهوة صغير او حسب الحجم اللي بتحبيه وبنتركها على نار هادية حتى تتحمر من تحت وبنقلبها على الجهة التانية حتى تنضج وبنكرر الصب حتى تخلص كمية الخليط
حطيتهن بصحن التقديم ورشيت عليهن زبدة وحطيت سيروب وصحة وهنا
