من ناهد العبدالله
صينية البطاطا باللحمة..نسلق البطاطا لتستوي ونهرسها ونحط عليها ملح وفلفل احمر وملعقتين جبن سائل ونقسمها قسمين ونفرد اول قسم بصينية الفرن مدهونة زيت ونحاول نفرد عالجوانب ونحط الحشو..لحمة مفرومة بنقليها مع بصلة صغيرة وشوي زيت وملح وبهارات لتتحمر وبس بردت نفردها فوق طبقة البطاطا وناخذ القسم الثاني من البطاطا ونفردو فوق اللحمة ونغطي اللحمة كامل وندهن ونقطعها مربعات بالسكين انا هون نسيت اقطعها وندهن الوجه بزيت او بيض ونحطها بالفرن من تحت لتشقر الجوانب وبعدين من فوق لتتشقر
ايج..كوبين برغل كبة بنقعهم بثلاث ارباع الكاسة مي لمدة نص ساعة وبحط بقدر عالنار اربع ملاعق زيت وبضيف عليه بصلة كبيرة مفرومة فرم متوسط وبقليها لتذبل وبضيف كوبين ونص مي وثلاث ملاعق معجون طماطم ونص ملعقة ملح ونص ملعقة نعناع يابس وشوي فلفل احمر وبخليهم شي عشر دقايق على نار هادية ونحط من المرقة عالبرغل واقل من نص ملعقة ملح ونص ملعقة كزبرة ناشفة وندعك بايدينا ونحط من المرقة اول باول واخر شي بضيف كاسة بصل اخضر مفروم وكاسة بقدونس مفروم
