من سوزان رمضان
طريقة بنقر الكوسا حبة ظغيرة وبكون مجهزة تطبيقة لحمة مفرومة مع بصلة بحشي الكوسا بالتطبيقة وبقليها بزيت غميق برجع بسلقها بماي غمرا شي عشر دقايق وبهالوقت بجهز اللبن انا عملت 2 كيلو كوسا و3 كيلو لبن لكل كيلو لبن بحط فنجان نشا وملعقة ملح بحط النشا والملح بمصفاية ناعمة وبنزل اللبن فوقن وبصغين وبدوب النشا وبرفعه عالنار وبضل عمحرك بأتجاه عقارب الساعة لحتى يغلي اللبن بدون ما وقف بتركه يغلي خمس دقايق وبضيف كبشتين او 3 من الماي يلي سلقت الكوسا فيها يعني على حسب ما انتو بتحبوا سماكة اللبن وبضيف الكوسا وبغلين شي خمس دقايق وبسكبه وبقدمه مع رز مفلفل وصحتين
