حراق اصبعه( عدس) ♡
من بيسان بشير
اسلقي العدس البني صحيح لحد الاستواء وكوني مكترة المي عليه بعد مايستوي بتحطي معاهم بكيت مكرونة من الحبة الصغيرة وبتتركيهم يستوو سوا وﻻ تحركي كتير عشان مايخبص بعدها اسكبيهم بالبايركس وبتحطيلو دبس رمان او تمر هندي انا ساويتو بدبس رمان وبتقلي بصل جوانح مع توم وبتحطي الزيت تبعو يلي هو زيت زيتون وكزبرة وسماق وبتحطيه عليه وبتعصري ليمونتين كبار وبتقلي خبز بتحطي فوق العدس كمية محرزة من التوم والكزبرة الخضرا وبتزينه بالخبز المحمر والبصل المحمر والكزبرة مع التوم والف صحة وهنا
* الطريقة بالاصل بيعملو عجين بالبيت مي وملح بس بيرقووه رفيع وبيقطعوه قطع صغيرة بدل المكرونة .. فانتي ممكن تعمليه زي مابتحبي ؛)
