الطريقة . 2 كوب حليب بودرة 6 كوب ماء دافي بنحركهم مع بعض وبنحطهم عالنار لحتى يصيروا دافيين منيح بنطفي النار ... بنحط عليهم كوب لبن رايب وبنغطيهم وبنكمرهم ببطانية لمدة 3 ساعات ... بنفتح عليهم رح يكون صار عنا لبن ... بنحط اللبن بوجه مخدة قطني نظيف وبنعلقها بنخليها تتصفى لمدة يومين او تلات لحتى تصير لبنة ناشفة قابلة للتشكيل .. بنملحها حسب الرغبة وبنعملها كرات صغيرة وبنخليها مكشفة ساعتين زمن لحتى تنشف شوي .. بنحطها بمرتبان في زيت زيتون وشوية قزحة وهيك بتكون قابلة للاستخدام .. ممكن نستغني عن الخطوة الاولى ونستخدم لبن رايب جاهز بنحطه بوجه المخدة ... او بنسخدم حليب سائل كامل الدسم
