من ام يوسف

دجاج وزنه 1500 ج مننظفه و مننشفه منيح..

التتبيلة: م ك برش حامض + 1/2 فنجان عصير حامض + 4 م ك خل + 4 م ك زبادي + 3 م ك معجون طماطم + م ك بابريكا بودر+م ص ملح+ م ص فلفل اسود ناعم+ م ص كركم + م ص روز ماري+م ص قرفة بودرة+م ص شطة +م ك بودرة مرق دجاج+ 1/2 فنجان زيت زيتون + م ك توم مفروم ناعم و حبتين بهارات صحيحة كل من هيل و قرفة و ورق غار..

منخلط مقادير التتبيلة منيح بالملعقة و منتبل الدجاج من برا و جوا و من تحت الجلد منيح و منحط مكعبتين من زبدة تحت الجلد عند الصدر الدجاج و ع البراد اقل شي ساعة و الافضل ليلة كاملة..

و لو بدك تحشي بقلب الدجاج خضار مشكلة منتبله بنفس التتبيلة و ننتبه نقطع الخضار مكعبات حجم وسط ..

منحط الدجاج بقلب كيس الفرن ( oven bag) كيس خاصة لشوي الدجاج و منحطه بالصينية و منفتح من فوق فتحات صغار و ع الفرن محمى مسبقاً ع درجة 190 لمدة ساعة و نصف ( دجاج وزنه كيلو بيآخذ ساعة و كل مازادت وزن الدجاج كل مازادت وقت الشوي)..

منقدم الدجاج ساخناً و بالعافية