من اقحوانة الجبل
شنكليش او سوركة بيتي
2 كيلو لبن زبادي حطيتهن مع ملعقة كبيرة ملح عالنار حتى فرط اللبن
صفيته بكيس قماش وتركته لبرد تماما وعصرت الكيس لاتخلص من الماء قدر الامكان
تبلتها ب ملح . فليفلة حمرا حارة او حلوة حسب الرغبة .كزبرة يابسة ..كمون مطحون.سماق.رشة جوزة الطيب ..حبة بركة ..فلفل. رشة اوريغانو ممكن اضافة يانسون او شومر او محلب بالاخر البهارات ونسبتها حسب الرغبة
.وخلطتها مزبوط
وعملتها كرات وحطيتها ع ورق كرتون وممكن قماش حسب المتوفر وتركتها بالبراد 12 ساعة
بعدها غلفتها كل قسم بشي ..حبة بركة ..سمسم ..فليفلة حمرا ..سماق مطحون ..زعتر الفطور بس نخلته قبل ..
ورجعت صفيتهن ع ورق مطبخ ليتابعو التنشيف ممكن بالبراد او غطوهن بشاش وتركوهن بمكان فيه مجرى هوا
ممكن عالاكل دغري
وممكن تنشفوهن شوي وتحطوها بمرطبان مع زيت
او تركوها لتنشف وتقسى تماما مدة 3 ايام وبتتركوها بعلبة بلاستيك بدون زيت
وصحة والف هنا
طريقة وتنفيذ
اقحوانة الجبل
