من فداء حداد

مكونات الكيك

كاسة وتلات ارباع طحين مخلوط مع ملعقة صغيرة بيكينغ باودر و نص ملعقة صغيرة كربونات الصودا

و تقريبا تلت كاسة جوز هند مبروش

نحتاج 5 بيضات نفصل البياض عن الصفار و نخفق البياض مع رشة ملح ليصير متل الرغوة ..الصفار نخفقه مع 180 غرام زبدة بحرارة الغرفة طرية و كاسة سكر وملعقة صغيرة فانيلا حتى يبهت لونهم بنضيف كاسة زبادي 200 مل و نحركها مع برش لايم (ليمون اخضر ) 4 ملاعق كبار و عصير ليمونة كاملة و نخفقهم بنضيف الطحين على دفعات ونحرك بملعقة خشبية وبعدين بحرص بنضيف بياض البيض و نقلب بهدوء و بقالب مدهون بالزبدة مضيف الخليط و بفرن محمى من قبل على 180 او 360 فهرنايت رح تحتاح ل 35 او 45 دقيقة وتختبر النضج بعود خشبي تترك لتبرد قبل قلبها بالصحن

الصوص للكيك هو عبارة عن نص كاسة جوز هند مع كاسة سكر نطحنهم على مطحنة القهوة تبعت الخلاط و مضيفهم مع جبنة كريمية 50 غرام و برش ليمونة وعصرة خفيفة من االليمون

يخلط على الخلاط ليتجانسو يصب عالكيك و يرش المزيد من جوز الهند وبرش الليمون على الكيك حسب الرغبة و تزين باوراق النعنع