من ام يوسف

بيتزا بعجينة عشر دقائق

مقادير العجينة:

٥ كاسات طحين

٢ م ك خميرة فورية

٢ م ك سكر

١م ص ملح

٢ م ك حليب بودرة

١/٢ كاسة زيت

كاستين ماء دافئ

الطريقة:

منخلط الخميرة مع السكر و الملح في كاستين ماء دافئ الاول و منضيفله كاستين طحين و منقلبه منيح و منغطيه العجين و منتركه يتخمر في مكان دافئ لمدة عشر دقائق... منضيفله باقي مقادير و منعجن منيح حتى يلم العجين و مايلتصق باليد و منشغل فيه ع طول...

الصلصة: منشوح بصلتين مفرومين + سنين توم مفرومين ناعم مع ٣ م ك زيت زيتون بس يذبل منضيفله ٣ حبات طماطم مقطع صغار و ملح و فلفل اسود و رشة اوريجانو و منتركه يتسبك و منضيفله ١ م ك صلصة طماطم ??

هلاء منفرد العجين باليد عادي و ما بدو شوبك و بس مندهن يدنا بشوية زيت ....

مندهن ع العجين ٢ م ك كانشب و بعدين منفرد الصلصة و بعد هيك فيكي تضيفي اللي بدك متل قطع دجاج ( مستوي) او لحم مفروم ( مستوي) او سوسيس او خضار ....

مندخله الفرن محمى مسبقاً ع درجة حرارة ٢٠٠

بعد نصف سواء بضيف الدوريتوس و فوقه الجبنة الموتزريلا و برجعه الفرن حتى ينضج البيتزا و يصير لونه ذهبي و بالهنا