صيد الفوائد
اﻷطعمة الصحية
قسم الطبخ
اﻷطباق الفريدة
الحلويات و الكيك
أجمل الحلويات
قبل كل شي منغسل الكوسا وبعدها منحفرهن شوي مو متل المحشي العادي اقل منكون محمسين لحمة مفرومة مع بصلة ملح بهار حلو فلفل اسود ومعلقة صغيرة دبس فليفلة وبس يستوي منضيف كمشة بقدونس مفروم وشوية صنوبر اختياري
بعدين منحشي الكوسايات للتم ومنقليهن بزيت غزير حتى يشقروا منرفعن على ورق نشاف
وبطنجرة تاني على النار منضيف مي شي انو يغمروا الكوسايات وبس تغلي منضيف ملح والكوسا منخليهن يغلوا شوي وبعدين المرحلة الاخيرة وهي عبارة عن
بوعاء منضيف كوب طحينة وملعقة كبيرة نشا وملعقتين لبن كبار و6 كوب ماء بارد منخلطهن مع بعض وبعدين منضيفهن فوق طنجرة الكوسا ومنحرك شوي شوي من شان ماتفرط الكوسا والطحينة ومنضيف الدبس رمان الكمية يللي بتفضلوها على حسب حموضتها بس تتكاثف منطفي النار ازا كانت سميكة كتير ضيفوا عليها مي مغلية بالتدريج ومنقدمها مع الارز بالشعيرية وصحة وهنا