مقدمة من ام محمد
الطريقه :
نص كوب زبدة طرية بحرارة الغرفة 110 غرام ..
بنخفقا دقيتين بعدين بنضيف كوب ونص سكر وبنخفقهم مع بعض بعدين بنضيف تلت بيضات بحرارة الغرفة ..كل بيضة لحال بعدين بضيف معلقة فانيلا صغيرة ..
هلا بنكون مجهزين كوب حليب سائل مع معلقة كبيرة خل ابيض بنتركهم عشر دقايق بعدين عليهم صبغة حمرة حسب ما بتحبو اللون بس كل ما كانت اغمق بتكون احلى انا حطيت علبة صغيرة كاملة سائلة وبحركهم سوا ....
بنكون ناخلين كوبين طحين مع معلقتين كاكاو ومعلقة صغيرة ملح وبنحركم مع بعض ..
هلا هاي المرحلة بنبلش نضيف شوي الحليب وشوية طحين ونحرك لتخلص الكمية ...
اخر مرحلة هيه معلقة صغيرة كربونه بنضيفلها معلقة صغيرة خل ورح يتفاعلو فورا بنضيفهم عالخليط ...بنحطها بصينية مدهون زيت وطحين وبندخلها فرن محمى قبل بوقت على 180 درجة بدها من 45-60 دقيقة ...
وبس تبرد بزينها بصوص الفانيلا
كاستين حليب سائل ، كاسه سكر بودره ، ملعقتين كبار فانيلا ، ملعقه نشا ... بغليهم على النار وبضل احرك لحتى تجمد ...
وبضيفهم للكيكه ...
