من ميرفت لبابيدي

كيك شوكولا

5 بيض (اذا حجم البيض كبير منكتفي ب 4 )

كاسة ونص سكر ( ممكن كاستين اذا مارح نستعمل حشوات وتغلبف مشان مايصير حلاوته زبادة )

ملعقة صغيرة خل وملعقة فانيليا

كاسة زيت

كاسة حليب بالشوكولا وبصير حليب عادي

كاستين ونص طحين ونصف كاسة كاكاو وملعقة كبيرة نسكافيه منخولين مع ملعقتين صغر بكنغ باودر وملعقة بكنغ صودا

منخلط كل المواد مع بعض ومنخفق حوالي عشر دقايق

منصب الخليط بقالب مدهون زبت ومرسوش كاكاو او مبطن بورق زبده

منخبز الكيك بفرن محمى على 180 حوالي 40 _50 دقيقة مع المراقبة في الدقائق الاخيره عالرف الوسط ومنشعل بالاخر من الاعلى ليتحمر الوجه شوي اذا احتاج ومنزين حسب الرغبه

للتغليف بالغناش

كاسة كريما لتسخن عالنار منزيد عليها كاستين شوكولاا خام ومنحرك لتدوب الشوكولا منترك الغناش ليبرد وياخد القوام المناسب لنقدر ندهنه عالكيك ومنستعمله للتغليف او منصبه عالكيك قبل مايوصل لمرحلة ييجمد ويصير بقوام الدهن

وممكن استعماله للحشو كمان مع اضافة فواكه او مكسرات وبالعافيه ☺️