مقادير العجين ( انا هون عملت كميه كبيره ضاعفت الكميه وعملت كميتين كبار )
المقادير ؛؛
3 كاسات طحين ، ملعقه صغيره ملح ، نص ملعقه سكر ، ملعقه صغيره خميره ، اربع ملاعق حليب بودره ، ملعقتين لبن رائب ، نص كاسه زيت ، ماء دافئ حسب الحاجه
الطريقه ؛؛
بعجن كل المقادير مع بعض وبضيف المي بالتدريج حتى تتشكل عندي عجينه قطنيه هشه بتكون جامده شوي وآخر شي بضيف الزيت وبعجنها ... بتركها ترتاح عشر دقائق .... وبرجع بعجنها دقيقتين .. بقطعها وبتركها تتخمر ساعه تقريباً ....
السبانخ ؛؛
سبانخ مفروم خشن ضفتلو ( بصل احمر مقطع ومذبل بزيت زيتون وسماق ملح )
ضفتو على السبانخ مع رشه ملح وعصير ليمون وشطه حسب الرغبه وخلطو
انا هون طريقتي ( ما بعصر السبانخ علشان يحافظ على الفائدة الي في ) بس بفرمو وبتركو بالمصفايه
الجبنه
قطعت جبنه عربيه بشكل طولي وحشيت المعجنات فيها مع رشه بقدونس
وجه المعجنات دهنتو ( بياض بيضه مع ملعقه خل )
وخبزتهم على حراره ١٨٠ وبعده حمرتهم
