من رنا احمد
الطريقة ؛؛؛
بتجيبي عجينة الكنافة الناعمة واذا خشنة بتطحنيها عالبروسيسر ناعم
بتحطيها في جاط وبتفركيها في سمنة كمية منيحة
بتدهني الصينية في سمنة بعدين بترشي عليها صبغة كنافة وبترصي عجينة الكنافة فوقها بعدين بتحطي جبنة عربية مبروشة وبتخلطي معها شوية موزاريلا عشان تمط وما بتوصلي الجبنة للاطراف بترصيها منيح وبتحطي طبقة خفيييفة فوق الجبنة من عجينة الكنافة وبتخبزيها في فرن محمى مسبقاً وبتتركيها حوالي عشر دقايق لبين ما تدوب الجبنة بتطالعيها وبتقلبيها في صينية اكبر شوية وبتسقيها بالقطر الساخن وبتزينيها وصحتين
