من مريم
50 غ زبده
كوب حليب
ملعقة ونص كبيرة سكر
ملعقة ونص صغيرة خميرة
ملعقة صغيرة ملح
نص ملعقة صغيرة بيكنغ باودر
كوبين ونص او 3 أكواب طحين منخول
ظرف دريم ويب
بحط الحليب والزبدة ع نار هادية حتى تدوب الزبده ويدفى الحليب يعني يكون فاتر مو سخن حتى ما يقتل الخميرة .
بضيف الخميرة وبغطيهم وبتركهم ربع ساعه بمكان دافي .
بضيف السكر والملح والبيكنغ باودر والطحين والدريم ويب .
بعجنهم منيح وبغطي العجينه وبتركها بمكان دافي ساعه ليتضاعف حجمها .
الحشوة
50 غ زبدة طرية
ملعقتين طعام سكر بني
ملعقة ونص طعام قرفه
ملعقة طعام كاكاو
بفرد العجينة وبدهنها بالزبده الطرية وبرش فوقها السكر والقرفة والكاكاو بعد ما نخلطهم مع بعض وبلفها رول وبقطعها قطع متساوية .
بدهن صينية فرن بكمية منيحه من الزبده وبحط قطع السنابون فيها مع ترك مسافة بين وحده والتانية وبتركهم نص ساعه يرتاحوا بعدين بخبزهم بفرن حامي عال 180 وبس طالعهم بسكب عليهم فورا الحليب المكثف ( النستله) وصوص التوفي .
