مخللات
مشاهدة وصفات اخرى بواسطة Um Ahmad Zaid
Description
Um Ahmad Zaidبتجيبي الخيار الحبة الصغير او الوسط بتغسلية بتصفيه بالمرطبان وبتحطي بينهم فلفل حار وازا بتحبي نكهة التوم حطي سنين توم صامدين مش اكتر وحلي محلول المي والملح كل كاسة مي بدها معلقة كبيرة ملح وكل مرطبان بدو معلقة صغيرة سكر وازا بدك نقطة خل وعالوجه ورقتين دوالي او عرقين بقدونس
الفلفل بتغرمي فلفل اخضر يلي بكون عريض شوي و حر شوي وافرمي فلفل حااار و قطعي جزر قطع صغيرة او برش و كم حبة ليمون قشريهم وافرميهم وازا عندك زيتون اخضر شيلي البزر وافرمية شوي واخلطيهم سوى وبتقدري تحطي حصرم العنب الحامض كله هاد اختياري وحطي معهم سنين توم صامدين او ازا بتحبي نكهه التوم مبينه افرميه انا بحط التوم صامد ورشي رشه ملح عليهم
هلا عبي المرطبان طبعا لازم كله زيت بس انا بحل مي وملح متل الخيار وبعبي نص المرطبان محلول ملح ومي والباقي زيت زيتون خليهم اسبوع وبصيرو جاهزين بس تاخدي منهم خدي بالمعلقة من قاع المرطبان وهيك حتى يضل عليه زيت من فوء .... وصحتين