من ناهد العبدالله
ملفوف ولفائف البادنجان وكفتة تبولة ..الملفوف انا بحط راس الملفوف قبل بيومين بالثلاجة لتثلج وبطلعها قبل بيوم وبقصها وبغسلها وبلفها والحشو رز منقوع عشر دقايق بخلط معها لحمة مفرومة وبقدونس ومعجون طماطم وثوم وزيت وملح وتوابل ونعناع يابس ..لفائف البادنجان بقطع البادنجان بالطول وبقلي نص قلية وبحشيه كفتة الكفتة لحمة مفرومة مع بصلة مفرومة ناعم وملح وتبلة وبشكلها وبحط ملعقتين زيت بمقلاة تيفال وبقلي الكفتة فيها لتتحمر من جميع الجهات وبحطها بشريحة البادنجان وبلفها على شكل رول وبكون مجهزة الصلصة الي هي عبارة عن بصلة جوانح بقليها بملعقتين زيت لتذبل وبضيف عليها البندورة المقشرة والمقطعة ناعم وبضيف ملح وفلفل احمر وفلفل اخضر وبخليها لتتسبك وبحط اللفائف عليها وعالنار شي عشر دقايق ..
