من
Nezam Abou Halaka
طريقة المامونية .. المقادير كأس سميد وسط . 2كأس سكر .. 4 كاسات مي و شوية ماء زهر .. و سمن .. بطنجرة منحط الماء و السكر ليغلو و بهالاثناء منحمص السميد بكمية سمن كافية و على نار هادية و تحميص خفيف جدا قبل ما يشقر يعني و منصيف السميد للمي و السكر و منضفلون ماء زهر و منتركون يغلوا لبين ما يبلش ينفش او يفتح السميد منطفي تحتا و مخليه مغطى شوي لترتاح و و بهدين منزينها بالقشطة و الفستق الحلبي و الف صحة .. و اهم شي لا تجوروا عليها بالتحميص بتطلع متل مامونية الحلواني ..
طريقة الشعيبيات .. البات عبارة عن بات فوييته و الحشوة علبة ريكوتا .. معلقتين سميد ناعم .. معلقتين سكر ..علبة كريم ليكيد (كريمة طبخ) .. نصف كأس كبير حليب منسخن شوي الحليب مع كريمة الطبخ و منضيف السميد و السكر ومنحرك لبين ما يسمك و تفتح السميداية وبعد ما نشيلون من على النار منضيف علبة الريكوتا .. هلئ بالنسبة للبات فوييته انا اخدتها الشكل المربع و عمبرقها و بتصير 9 قطع و عمتعطيني توريقة كتير حلوة و مقرمشة منحشي القطع على شكل مثلث و منلوقها منيح من الاطراف حتى ما تفتح و مندهنها سمنة قبل ما ندخلها للفرن و طبعا بعد ما تطلع من الفرن منضيف عليها القطر الي هو عبارة عن كاستين سكر و كاسة مي بس يغلوا منضيف عليهون ملعقة كبيرة عصير ليمون او شوية ملح الليمون حسب الموجود وتقريبا مقدارغطاء ماء زهرو منزينها بالفستق الحلبي و الف صحة .. هلئ الطرقة مبينة طويلة بس هية بالعكس سهلة كتير جربوها ..
