المقادير :
لتتبيلة الدجاج
دجاج مغسول ومقطع
ملح
بهار الكاري
دبس فليفلة
دبس بندورة
ملعقة كبيرة زبادي
زيت زيتون
توم مهروس
زنجبيل بودرة
بابريكا حارة
للبطاطا
توم مهروس بطاطا مقشرة ومقطعة دوائر
ومغسولة
بابريكا وملح
للأرز نحتاج :
زيت
ملح بهار مشكل
مكعب ماجي
فلفل اسود
زنجبيل مطحون
ملعقة صغيرة دبس فليفلة
ملعقة صغيرة دبس بندورة
كركم
الطريقة :
بعد ما غسلتا الدجاجة
نضيف عليها كل مواد التتبيلة المذكورة سابقا
ومنحطها بصينية الفرن فوق البطاطا طبعا البطاطا محطوط عليها التوم والبابريكا وزيت زيتون وملح ومنحركهن بإيدنا منيح وبعدين منضيف الدجاج مع كوب مي
منكون مسخنين الفرن منغلفها بقصدير منيح
كل شي نص ساعة منضفلها شوي شوي مي من شان ماتنشف وتخترق البطاطا وبنفس الوقت ماتخبص البطاطا ازا حطينا مي بفرد مرة وكترنا
حتى تستوي الدجاجة منرفع القصدير ومنشعل الفرن من فوق ومنحمر الدجاج
طريقة طبخ الرز :
بطنجرة على النار منضيف زيت ورقة غار بهار مشكل دبس فليفلة والبندورة
مكعب ماجي ملح كركم وفلفل اسود ومنحرك لتبلش تطلع ريحة البهار منضيف الارز ومنحرك منكون غالين مي منضيفها عالرز لكل كوب رز بسمتي كبايتين مي
بس يغلوا شي دقيقتين على نار عالي منوطي تحتها ومنغطيها حتى تستوي وصحة وهنا
ملاحظة : فيكي تعطيهن نكهة التدخين يلي هي فحمة مولعة حطيها على قطعة قصدير بنص طنجرة الرز وضيفي عالفحمة شوية زيت وغطي الطنجرة شي 10 دقائق وصحة وعافية.
