صيادية السمك
مع صلصة الطحينة يللي بتشهي طعمتها بس انا مو مصورة الصلصة بس بكتبلكم الطريقة وجربوها والله بتشهي
طريقة السمك : 4 قطع فيليه سمك بدهم ملعقة ص كمون . وملعقة ص ملح . ربع ملعقة ص فلفل اسود . ملعقة صغيرة بابريكا حلوة وحطيت ملعقة ص بهار السمك . ملعقة ص شطة مجروشة وعصرة ليمون وبحطهم بالبراد شي ساعتين بعدين منطلعهم وبوعاء آخر منحط كوب طحين وبصحن تاني كمان منحط بيضتين كل قطعة فيليله منغلفها بالطحين وبعدها بالبيض وبعدها مرة تاني بالطحين بس كمية وفيرة ومنحط بمقلاه كبيرة 4 ملاعق كبار زيت مازولا ومنقلي السمك هون منكون طابخين الرز مع بصلة مفرومة وتوم مهروس وملعقة سمنة بلدية وزيت مازولا وزنجبيل مفروم ومكعب ماجي ومنضيف حبة بهار مع كركم وملح ونسكب الرز ومنحط فوقه السمك ويزين بالبقدونس وشرائح الليمون .
صلصة الطحينة : بمقلاه على النار شزية زيت بصلة كبيرة مقطعة جوانح منحرها لتحمر منضيف حبة واحدة من التوم وحبة كبيرة بندورة مقشرة ومفرومة ناعمة جدا بعدها منضيف ربع كوب طحينة ونصف كوب مي مع التحريك المستمر آخر شي منضيف ربع كوب عصير ليمون وملعقة بقدونس وتقدم بجانب الصيادية جربوها طيبي كتير وصحة وهنا
