الطريقة : لكل كيلو برغل ناعم نص كيلو لحمة هبرة والحشو حسب مابتريدي قبل كل شي بنقع البرغل بالمي لحتى يطرى شوي بعدين بصفي وبديرو بالماكينة الكبة دورين اول دور لحاله وتاني دور مع الهبرة وبصلة وبعدين بحط بابريكا ملح ومنعركها كتير منيح وبعدين بجيب صينية الفرن وبدهنها بالسمنة وبعمل كرات صغيرة من العجينة البرغل وبفرد كل كرة بإيدي وبحطهم بالصينية جنب بعضهم وبعدين بضغط عليها لتتساوى العجينة وبعدين منضيف الحشوة وهي عبارة عن : ★★★ لحمة مفرومة فلفل اسود ملح بهار منكون محمسينها قبل بالزيت عالنار وفيها جوز وصنوبر محمص وبس نضيف الحشوة منسويها كمان ومنضيف الطبقة التاني فوق اللحمة من عجينة البرغل نفس الطريقة الاولى ومنمسدها كويس بعدين منقطعها بالشكل الهندسي يللي بالصورة وبكل مثلث منضيف اللوز المغلي والمنزوع قشره وبكل مثلث وفوق اللوزة منضيف بالملعقة اقل من ربع ملعقة سمن ومندخلها على فرن حامي حتى تزهر الاطراف منطفي من تحت ومنخلي من فوق ليزهر اللوز وتقدم جنب اللبن وسلطة الخضار والف صحة وهنا
