محشي برغل
مشاهدة وصفات اخرى بواسطة غادة جبقجي
Description
من غادة جبقجيالطريقة
خمسة كيلوا بانجان محفور
كاسة وشوي برغل محمصة بالسمنة او دهنة
بقاتين بقدونس
نصف باقة نعناع
أقل من نصف كيلوا حمص منقوع ومسلوق شوي
كيلوين بندورة
بصلتين كبار
4حبات فليفلة حمرا
4حبات فليفلة خضرا حدة بكون اطيب واذا صغار حطي اكتر
فنجان دبس رمان ورشة ملح ليمون وملح وبهار وملعقتين رب البندورة
لحمة ودهنة ع زوقك انا حطيت ربع كيلوا دهنة ونصف كيلوا لحمة
الطريقة اخلطي جميع المقادير ودوقي لازم يكون حد وطعموا حامض وطيب وملحو اصولي واحشي الباذنجان كتير لازم تزقيه كتير وللآخر كمان هاد مو متل الرز الخضرة عالطبخ بتدوب
حطي عضم بالطنجرة بطلع اطيب وصفي المحشي وحطي تقالة والحمض متل المحشي العادية نعناع وحمض وتوم ورب البندورة وفنجان دبس رمان وحطيه عالعالي وبس غلا وطي النار كتير بياخد شي ساعتين عالنار او أقل انتي شوفيه بعدا ساعة اذا استوى ودوقي حمضو
بس كان الحمض ظاهر وطيب بيطلع المحشي طيب
وصحة وهنا
انا بحط مع المحشي بطاطا محشية وبندورة محشية وفليفلة محشية كم وحدة يعني بحطن عالوجه