من زهرة البنفسج
اول شي بتجيبي الباستا وبتسلقيها بس ما تخليها تستوي كتير وطبعا بتحطي مع المية شوية زيت وبتشيلي الباستا وما تصفيها فوق بعضها بتحطيها على حواف مصفاية او طنجرة عشان ما تلزق ببعضها بعدين بتحضري الصوص الأحمر عبارة عن لحمة مفرومة بتحوسيها مع بصلة وسن ثوم مبشور وبتحطي معها ملح وفلفل اسود وفلفل اخضر مقطع بعدين ضيفي ذرة وفطر اذا بتحبي وبعدين معلقتين صلصة كبار مذوبين بفنجان مي وصبيهم عاللحمة وخليهم يتسبكو واطفي النار واتركيها بعدين اعملي بشاميل وجيبي بايركس حطي طبقة بشاميل وحطي اللزانيا فوقه بعدين طبقة من الصلصة الحمرا وفوقها بشاميل وكمان مرة لازانيا وكرري نفس الخطوات انا عملت 3طبقات عشان حافة الصينية مش عالية بس فيكي تعملي اربع طبقات وطبعا اخر طبقة صلصة حمرا وفوقها بشاميل وعالوجه جبنة موزريلا مبشورة ودخليها الفرن لمدة نص ساعة عنار متوسطة وحمري الوجه وصحتين وهنا
طريقة البشاميل : معلقتين زيت ومعلقتين زبدة حطيهم بطنجرة عالغاز وبس تسيح الزبدة ضيفي 4 معالق طحين وحركيهم بسرعة بالمضرب اليدوي لحد ما يتحمص الطحين شوي بعدين بتكوني محضرة 3 اكواب حليب بتضيفيهم بالتدريج مع حركة مستمرة وما توقفي عشان ما يكتول الطحين بعدين ضفت 4 مثلثات جبنة لافاش كيري وحركتهم لحد ما ذابو منيح وضليت احرك لحد ما ثقل الخليط ولما بدا يغلي طفيت عليه وضفت ملح وفلفل ابيض ورشة جوزة الطيب مطحون وصحتين
